「長毛先係打工皇帝！」立法會議員梁國雄「長毛」聲言是基層市民代言人，經常示威請願衝擊權貴，不過halolo9卻指長毛頻頻上街只是另類開小差方法，「長毛開會一係唔現身，現身就搞搞震，10分鐘唔夠就俾保安請走。人工照𢭃，一毫子都無少，計起上來佢先係香港打工皇帝，時薪最高。長毛好高招。」
網民風力發電認為，坐在會議廳也不代表勤力，可能只是尸位素餐，「有些議員坐足咁多個鐘，亦不見得有甚麼建樹，形同虛設。」育馬者堅持長毛「呃飯食」，「條友都無料到，以為喺立法會好激，點知仲差過啲天星碼頭示威者。」阿叻認為，相對其他議員，長毛不算太差，「不如你比較吓其他議員先啦，有啲真係瞓覺㗎，長毛最少都有表達自己意見吖，好過咩都唔做。」
長毛是否稱職，應由選民評定，長毛的工作及開支紀錄，可到他的網站查看。
網址為 http://www.longhair.hk/