作為現代OL，大多要身兼數職，要入得廚房出得廳堂，智能電器其實幫到唔少手，我家中有快思邏輯電飯煲、自動化洗衣亁衣機、會聽電話的冷氣，不過，這些電器實用性不高，始終洗衫開冷氣難度唔高，相反一種IntelligentOvens就更為實用，這部由Tonight'sMenu（TMIO發明的焗爐，可通過互聯網或手機遙控操作，出門時可調校為冷凍溫度，保存肉類，而回家前只要打個電話，就可遙控解凍或者啓動焗爐烹煮晚餐），不過我知道IntelligentOvens很貴，所以諗住退而求其次試試Thermador的CM及CJ系列快速焗爐，雖然沒有遙控操作，只用微波加熱，令烹調時間減了一半，還專為烹調凍肉、菜、麵包等預設多種程式放在公司茶水間就最好。
文：林愛雯
http://www.tmio.com/products/
http://www.bshextranet.om/files/techtoolbox/C&U_5020011094RevA_CM301-302B.pdf
http://www.thermador.com/site_tools/documents.cfm?product_id=218
Bytheway
大佬呀，一個焗爐要4,895美元，約港幣$47,000，邊個會買？買得起理所當然會有工人，就這個問題，我致電給作者：「喂，有冇搞錯呀，你哋啲女人，為煮餐飯，真係不惜一切喎。你介紹，你會買咩？」
「會，我屋企個WallOven連櫃都要$30,000啦，呢個Intelligent有埋DataControl，可以上網喎，唔貴㗎啦，你知唔知一個女人入廚房要面對幾多問題，我話你知，全屋裝修最貴係個廚房，要幾高級有幾高級，特靜廚櫃、電腦自動洗碗櫃、收合式抽油煙機……等等，分分鐘係TelephoneNo.㗎，十萬八萬㗎。」小姐呀，你個廚房有200呎，同你講都嘥氣。我絕對唔會俾老婆、阿媽、家姐、外母，總之係女人的物體去作者的廚房，以免後患無窮。
文：伍旋卓