6分鐘，令韋斯咸由贏變輸，亦幾可肯定令韋斯咸「降硬班」！周日英超上演扣人心弦的倫敦打吡戰，韋斯咸主場對熱刺，以3:2領先至89分鐘，被客軍的貝碧托夫和史杜廸利各建一功，以3:4先勝後敗，韋斯咸慘敗後以20分包尾，4年內第2次降班幾成定局。牽牛
古比士利是役心路歷程
16'
韋斯咸前鋒泰維斯胸口回傳，中場麥克盧保（左）禁區頂勁射入網。
古比士利心聲：「哈哈，變招終於用得着，派個今季從未聯賽上陣嘅麥克盧保打中場，搞到熱刺防不勝防，仲入埋波㖭！」興奮指數：★★★
21'
熱刺連番射門，前鋒廸科爾先近門失機，另一前鋒貝碧托夫勁射，又被韋斯咸門將羅拔格連用面擋出。
古比士利心聲：「踢波最緊要有運，呢球都唔失波，今場應該唔使失波啩？」興奮指數：★★★★
51'
韋斯咸中場保耶禁區內勾跌客軍中場艾朗連儂，廸科爾主射12碼中鵠，熱刺追成1:2。
古比士利心聲：「對住母會你都唔畀面，廸科爾你好嘢！仲有39分鐘，頂住呀！」失落指數：★★★★
63'
熱刺的艾朗連儂左路回傳，中場泰尼奧第一時間勁射割草式地波入網，追成2:2平手。
古比士利心聲：「禁區內有4個球員，都可以俾對手輕鬆射波，呢班後防仲要我鬧幾多次先生性。」
失落指數：★★★★
85'
泰維斯右路開出罰球，後備入替前鋒森莫亞近門頂入，韋斯咸再度領先3:2。
古比士利心聲：「邊個話我保守，我換入基柏同森莫亞兩個前鋒，打足4箭頭，一定要博到3分為止，今次仲唔威番次？」
興奮指數：★★★★★
89'
韋斯咸後衞安頓費廸南禁區邊鹵莽犯規，熱刺前鋒貝碧托夫（9號）主射，主隊後衞高捷斯基欲救空門，皮球仍應聲入網。
古比士利心聲：「安頓，你係唔係因為我雪你就玩嘢呀！由3分變1分，慘、慘、慘！」
失落指數：★★★★
95'
補時階段，韋斯咸空群出擊博入多粒，但森莫亞在對手後場禁區邊失去控球權，被廸科爾個人突破施射，門將羅拔格連擋出不遠，熱刺後衞史杜廸利執雞，反勝4:3，韋斯咸6分鐘內由贏變輸。完場雞聲鳴起，韋斯咸球員如保耶一臉失落。
古比士利心聲：「攞1分有鬼用咩，補時搏一鋪，點知最後輸埋，真係天亡我也！」失落指數：★★★★
興奮指數及失落指數以5個為最高
古比士利心聲為設計對白