伍詠薇（伍姑娘）、苑瓊丹、陳敏之和胡定欣等，昨日在將軍澳出席《高朋滿座》活動，與現場觀眾玩遊戲，該劇將於周六（10日）大結局，伍姑娘稱大夥兒會到鄧上文家中慶祝。
伍姑娘穿上低V裝到場，加上她有舅父和舅母等人撐場，頓成全場焦點，令本來被邀影相的苑瓊丹突被冷落，苑仔即作狀在伍姑娘身後叉腰，幸伍姑娘一句「大美人」即冧掂她。
陳敏之拒談感情
昨日元宵佳節，陳敏之和伍姑娘卻在工作中度過，陳敏之表示會回家吃飯，問她是否與男友返家吃飯？她說：「冇，今日自己返去食飯，之後都唔會出街，因為我啱啱喺加拿大返嚟，仲有時差，個人好攰，而且感情嘅嘢我唔回應喇，唔講拍拖喇！」伍姑娘則說：「呢排我拍緊《緣來自有機》，今日都要做嘢，冇乜節目，我老公仲要去聽音樂會，同非洲人過。」
伍姑娘表示拍《緣》劇需駁長髮，有工作人員未能認出她，她說：「黎諾懿同好多人都話我係入TVB以嚟最索，仲有工作人員以為我係鬼妹。」
採訪、攝影：王連連
