早兩日已經同大家提過，話可以獲得稅務寬減嘅環保車款，其實唔淨止係一眾Hybrid混能車款，其實尚有多款以汽油作單一燃料的車種，也被列入稅務寬減之列，可乘坐8人的Mazda8便是其中一個例子。
或者你會話，Mazda8用嘅係2.4公升汽油引擎，又點可以同嗰啲混能車種相提並論呢？根據型號審批嘅結果顯示，Mazda8喺排放碳氫化合物及氮氧化物的數值上，分別是0.005g/km及0.007g/km，相比規定排放上限的50%低出一半有多，而平均耗油量亦要比規定多0.2公里，達11.2公里！因此，Mazda8不但成為同級車中，唯一一款能夠成為「環保汽油私家車」嘅豪華MPV，同時更可獲得寬減30%首次登記稅，若以現時$279,990嘅售價計算，即可節省高達$24,907.9稅款。
設備方面，Mazda8擁有跑車化外觀的同時，更備有左右雙電趟門及尾門，同時又有特低地台配搭，方便乘客上落之餘，中排還設有SuperRelaxSeats，好讓乘客能享受到一個舒適嘅旅程。
記者：鄭達基
查詢：萬事得汽車（28931112）