做人有時真係講命水，嫁入豪門唔代表一定好，嫁唔到可能仲幸福！好似銀行二世祖咁，佢一向好大男人，早年已經有鋪打老婆癮，頭兩任太太都係離婚走人。佢呢兩年同咗做空姐嘅女友一齊，個個以為佢同以前嘅女人一樣玩夠就走，點知二世祖錫到佢燶，經常買幾十萬一隻嘅鑽錶送畀佢。
二世祖仲四圍同人講，話呢個後生女友唔同以前嘅女人，對佢一條心又真心愛佢。當然啦，二世祖不但養起女友唔使做，仲連人哋一家上下，父母連兄弟全部養埋，雖然話以佢銀行嘅家底，養起一兩頭住家唔難，但咁好嘅男友，試問邊度有得搵？仲唔一條心咩！
撰文：阿蘇
本欄逢周一至六刊出