陳豪、黃宗澤、楊怡和商台DJ芝See菇Bi（卓韻芝）等，前晚在尖沙嘴出席時裝店Vintage55旗艦店開幕。
芝See菇Bi早前承認圈外男友Joey求婚成功，她說：「不過我哋打算出年先搞西式婚禮，其實我哋周日先拍拖一周年，咁啱嗰日係元宵，我好想收個手袋做禮物。我𠵱家計劃婚前做多啲嘢，拍多套戲。」
緋聞男女冇拜年
陳豪表示母親趁新年回港陪伴，緋聞女友廖碧兒可有往拜年？他說：「佢冇嚟，我都冇去佢屋企拜年。新年我陪家人。」黃宗澤同樣沒到緋聞女友胡杏兒家拜年，他笑言：「佢屋企都冇利是𢭃。」他雖緋聞多多，但元宵卻會工作中度過，他說：「我冇宮女，又冇妃妾，我係寡人。」
採訪：卓寶花
攝影：葉君海