三色台𠵱家仲播緊嗰套處境劇，早排突然換走咗「低B」，安排佢去外國讀書，傳聞因為低B搞咗件桃色事件出嚟，所以俾公司雪。 關仁八過呢件事，低B喺拍呢套劇期間，搭上咗個有婦之夫，件事點解會揚晒出嚟？係因為人哋嘅老婆直接走去同「假姐」高層投訴，假姐向來最憎女藝人搞埋啲咁嘅嘢，聽完火都嚟埋，即時落令處境劇飛起低B，𠵱家低B雖然仲係三色台嘅人，但以後想有得發圍都好難咯！