如果有行過旺角AV影音店，一定有聽過以下對話：「呢款42"LCD電視播DVD唔靚，不過睇電視最好，因為TV-Tuner最靚，你經常睇電視?一定要買飛利浦，如果睇DVD多，買SONY或先鋒喇。」售貨員不單只講，仲服務一流，將4部電視拍埋在客人面前比拼。嘩，事實擺在眼前，真係靚好多，點解？
就這個問題，我問過AV專家同維修人員，佢哋都話飛利浦TV-Tuner係靚同耐用，但唔會靚成咁，竟然一個雪花多，一個雪花少，但睇DVD就唔夠第二隻牌子。
其實TV-Tuner質素高低，只影響接收穩定性，以𠵱家嘅科技，做個TV-Tuner根本唔難，售貨員只係將電視內嘅抑制噪音效（雪花）同自動FineTune功能熄咗，令畫面質素下降，比拼之下，畫面會相差好遠。
比拼DVD時，SONY又會好睇好多喎？好簡單，每部LCD都有專用Demo碟，所有畫面、顏色、同影像都係為呢部機特性拍攝；好似SONY講究顏色同銳利度，Demo碟就以呢個優點拍攝同加工，唔須要調校設定就有最好效果，下次選擇LCD電視，唔好信Demo畫面，亦唔好信Sales啲怪論。
文：Sales陳