顧紀筠前晚到金鐘出席新城財經台主辦的雄財宴活動,同場還有黃德如夫婦及余錦遠夫婦等。顧紀筠戴上假髮,以bob頭形象示人,以遮掩新廣告造型。
農曆新年前,顧紀筠特地飛往加拿大探望兒子,回程時頭頭碰着黑,且驚險萬分,她說:「首先喺加拿大揸車去機場嗰陣差啲撞死,因為我租架車冇抗雪劑,但當時落好大雪,揸到一半已經乜都睇唔到,仲同架貨車有少少碰撞,好彩冇嚴重受損,但都驚到喊。上到機,坐喺隔籬個男人又突然心臟病發,但架機上又冇醫生,佢坐喺我隔籬就昏迷不醒,後來我都唔知佢有冇事。返到香港喺銅鑼灣我又突然仆倒,成隻腳瘀晒,我都未試過一日之內遇上咁多事!」
採訪、攝影:駱華齡