財爺以減稅力撐環保車，但大家咪以為環保車只得混能（Hybrid）一樣，其實仲有以氫同氧結合的化學反應而產生能量的燃料電池車（Fuelcell），雖然係只聞樓梯響的實驗性車種，不過最近日本橫濱一家出租汽車公司就正式引入日產汽車生產的X-TRAILFCV，令燃料電池車的實用化進程向前踏進一大步。
家陣人人講環保，燃料電池車唔
家陣人人講環保，燃料電池車唔會排出有害氣體及二氧化碳，再加上油價不斷上揚，尋找汽油代替品已迫在眉睫，所以唔少人認為汽車發展會以混能車作過渡，以燃料電能車作終站。其實燃料電池車最急需解決的問題係燃料補充，本來香港地方細細油站多多，要解決呢個問題一啲都唔困難，之但係觀乎香港搞石油氣站咁耐都仲係搞到唔湯唔水，他日引入燃料電池車有幾成功，可想而知。
記者：周達之