中策集團（235）昨日公布，獲聯交所知會，根據證監會資料，於2月5日有13名投資者持有中策20.35%股權，連同主席GaoYang、錦興（275）及保華集團（498）持有的74.45%股權，合共持股量達94.8%，公司股權高度集中於少數股東，只有5.2%股權被其他投資者持有。唔知係咪呢個消息，刺激中策股價急升逾12%。
錦興集團因為重組方案，變相私有化中策大部份資產，同時被現任大股東以每股0.386元提出全面收購，重組後到今年2月才復牌，復牌後曾扯上0.91元高位，之後回落至0.5元水平，橫行大約1個月時間。
雖然中策股權係高度集中，但由於復牌時大股東等人同時以0.32元配售合共6500萬股舊股，令到公司得以維持公眾持股量超過25%，毋須面對突然要停牌配售以維持公眾持股量之風險。
現時，中策持有永安旅遊（1189）27.74%，是大股東，另在較早前永安旅遊發行的10億元票據中，透過旗下美國上市公司認購了3億元，2億元由和黃（013）認購，5億元由其他基金認購。系內公司近年不斷投資於不同上市公司的CB身上，是次認購CB唔算特別。
擬變身內地房產股
據管理層表示，日後將為錦興集團進行業務重組計劃，當中包括重組中策集團在內地業務，及在內地投資房地產等業務，期望開拓的房地產城市包括北京、廣州，因集團目前已有酒店業務於上述城市。整體上，中策算係1隻有一定實力及後台之股仔，問題係股權集中，睇你覺得係風險定係機會。