細細個成日聽阿媽話：「都係舊嘢好！」到大個仔，學識乜嘢係「集體回憶」，見到班潮流兒童，會問佢「知唔知乜係經典？」；講明星，佢哋話追韓劇阿邊個好型，我問：你知唔知邊個係占士甸、夢露？唔知？飲東洋西洋流行文化奶水大，梗要知道乜係最好。意大利佬識貨，Vintage55玩「仿古着」，硬銷50-70年代的大美國主義，帶你追憶美國文化的最好部份。鍾意美國明星，梗係鍾意死咗嗰班，唔通追BritneySpears咩！
記者：許維雅 攝影：伍慶泉
Model：Mixson@Puremodels
占士甸系列紅色薄身線衫$2,000
占士甸系列洗水貼腳牛仔褲$2,200
RedWing$1,850
限量版夠噱頭
Vintage55由1999年成立至今，努力以新衫舊文化的Gimmick打造CasualFashion，以全新角度鼓吹古着文化。品牌最出色的賣點係限量版肖像系列，老闆Davide每季都會購買不同的肖像，如占士甸、瑪莉蓮夢露、甘迺廸等等。但卻並非簡單地將肖像印在Tee上，而係將他們着過的款式或金句，重新設計及物料再生產。如占士甸係保時捷迷，他購買第一架保時捷時寫了句"HellClubDrivers"在車身之上，設計師就以此金句作圖案，配合占士甸的形象設計上衣及牛仔褲，以新衫勾畫出當年經典人物的型格。可謂件件有典故！
畢彼特捧場
Vintage55有不少明星捧場客，如TomCruise、WinonaRyder同NaomiCampbell等，靚仔畢彼特更於新片《TheassassinationofJesseJames》中亦着上占士甸系列CatalinaTee拍攝。
絕版波鞋年年加價
除了勞力士年年升值外，Vintage55店內的絕版波鞋亦會年年升價。品牌每年都有專人走遍世界各地搜羅絕版波鞋。店內的珍藏波鞋大都屬第一手，連鞋盒，有相當收藏價值。老闆Davide更揚言若沒有人購買，將會年年加價，令人明白古着有價值。
「佢哋係風雲人物！」
記者：點解身為意大利人，會找那麼多美國人物作品牌的設計重心？
Davide：「這些美國人物都係數一數二的風雲人物，他們的形象都感覺好Fashion，全世界都識，我亦好欣賞他們，搵他們用作Fashion的設計上，會更容易得到別人的認同。我亦不排除遲些會買一些意大利、歐洲其他國家的經典人物用於設計上。」
記者：是刻意塑造品牌形象帶有美國風格嗎？
Davide：「No！品牌有咁多美國50年代人物系列全因這些人物深入民心。講到古着CasualFashion文化，意大利都係由美國和其他國家傳入，所以要成功建立CasualFashion的歐洲品牌，就要借助美國文化，但設計同物料仍會保留歐洲風格。」
售賣點：Vintage55（25515438）
尖沙嘴廣東道海港城2504號舖