香濃惹味的滷水菜餚，全靠一鍋反覆烹煮多年的滷水「汁膽」。對於滷水食物加熱太久會釋放致癌物質之說，「食神」梁文韜說聞所未聞，更直指滷水汁膽好重要：「潮州滷鵝同日本鰻魚醬汁，都係用呢種滷法。一啲潮州滷鵝店啲滷汁，每日滷鵝數百隻，啲汁已經溝咗好多肉汁，根本同新滷汁冇得比，一啲新店開業時，仲要向舊店買滷汁膽嚟借味。」
各地有不同配方
曾任南韓華克山莊大廚的食品公司飲食總監劉漢明相信事件不會打擊滷水食物文化。劉說傳統滷水沒有正宗配方，基本配料包括花椒、八角、沙薑、果皮、丁香、肉桂、大茴和小茴等，越南式加香茅，泰國式則加南薑，視乎當地人口味添加不同香料。滷汁膽要定時加水和配料循環再煮，否則食物便不夠味道：「又唔係日日食或當湯飲，問題不大！」
至於滷水的來源則考起兩位名廚，有資料顯示，這種烹調方法源於隋代，北魏食典籍《齊民要術》中引述《食經》的部份內容，當中提及滷法的前身「綠肉法」，指將雞和鴨等斬件後，用鹽、葱薑等烹煮。宋代以後的史籍開始出現「滷」字，到清代滷法已很普遍。
網友也關注事件，Uwants討論區網友Vermilion說：「啱啱食完…有冇解藥？」kingaxl則認為：「喺呢個世代你走落街行個轉、吸啖氣都足以令你生cancer（癌症）啦！少少滷味又何以令人擔心？」