早前有傳黎明（Leon）想齊集四大天王開演唱會，他昨日透露將於下月13日在紅館舉行一場《4InLove》演唱會，屆時他會獨自獻唱四大天王的歌曲。早前林海峰曾揶揄他任軟硬演唱會嘉賓時「企喺度唱晒成首快歌」，不知這次的演唱會，黎明會否重施故技呢？
黎明和楊千嬅昨日到觀塘出席聯合國兒童基金會的慈善舞龍活動，身為該會親善大使的Leon，透露會於下月13日在紅館舉行一場《4InLove》演唱會，由他一人演繹自己、張學友、劉德華和郭富城的歌曲，他說：「我從來都冇講過呢個演唱會有其他嘉賓，由頭到尾都係我一個人做，我係打電話問過華仔攞啲歌嘅版權。」一向被指欠缺台風的他，不知到時會以哪種風格演繹三位天王的歌。
自嘲拍旅遊特輯
Leon自從與樂基兒拍拖之後，不時被雜誌報道二人外遊消息，早前他們到日本度歲，整個溫馨的滑雪之旅便被雜誌拍下。問到再次被影到與女友旅行的照片，Leon說：「冇得講，我去放假就好似幫人做咗旅遊特輯咁，我要求叫佢（記者）企遠啲影，佢就企喺我面前。佢仲話佢老細放假但佢冇得放，佢嘅工作就係要影我，咁我體諒佢要做嘢。」
再問到Leon有否因為記者追訪而感到掃興，他又說：「我自己安慰到自己，但之後雜誌點樣圖文並茂、啲編輯點加插文字我冇意見。如果你哋真係想知Leon有冇掃興，你幻想吓自己係Leon會唔會掃興啦，總之間酒店房就唔係我哋嗰間。」此外，Leon否認接拍由陳凱歌執導的《梅蘭芳》，他澄清到目前為止沒有為該片試造型。
千嬅懶理梁榮忠
至於身為聯合國兒童基金香港委員會大使的楊千嬅，已落實主持八集《殘酷一叮》，對於有傳她嫌棄梁榮忠形象差而拒絕主持一事，她表示沒有資格嫌棄任何人，她說：「我一早已經識得忠仔，一個藝人嘅工作同私生活係兩回事，𠵱家我知道係同森美一齊主持。」
採訪：李珮洳 攝影：陳俊強
