87及97年先後出現股災，07年又如何？麥玲玲說，每逢「丁」字年，都必有股災，今年亦很難避免，因為「丁」屬陰火，不利股市，反而「丙」字年，則屬陽火。每次出現「7」字的年份，股市都會特別波動，而「6」字年份，則有利股市暢旺，如06丙戌年，便是一個好例子。
她直言今年股市「好難玩」，自己會睇定才入市，但仍會以藍籌為主，亦打算買樓作投資，首選市區豪宅，位處家居附近更佳，就算要收租或追租，都會較易跟進。
永不沾手消息股
麥玲玲自言，有一半風水客都是企業及財經界人士，所以每日都會聽到來自四方八面的股票消息，但亦因為消息滿天飛，自己又曾炒股蝕錢，加上自知命中沒有「偏財命」，所以堅拒沾手「消息股」。
她不諱言：「有部份消息股都曾經由仙股、毫子股，升到十幾廿蚊，但『唔係你財，唔入你袋』，自己賺咗唔會好開心，蝕少少就會赤到入肉，所以只會羨慕人家眼光好，不會真金白銀入市。」