纖瘦成為全球審美標準的規條，女性肥胖幾乎等同有罪，男子愛上肥胖女子就更是政治不正確的決定！網民ihih近日就因為愛上一名又醜又肥的女同事而飽受困擾。「我好想同佢表白，不過我的朋友卻不斷勸我唔好，仲話咁只會影衰自己。」
原來ihih心儀的女同事，因身形肥胖經常遭同事取笑。一次ihih獨個午飯時忘記帶錢包，剛巧肥女同事坐在不遠位置，ihih惟有厚着臉皮向這位他經常嘲笑的對象借錢結賬。「佢冇嬲我，仲即刻借錢畀我，令我好感動。」
這一飯之恩令ihih對肥女同事改觀。「佢雖然唔靚，又好肥，不過我就覺得她很好心地。」ihih與女方透過電話建立感情基礎後想向女方表白，身邊同事齊聲反對。「佢哋話到時結咗婚就知難頂，又話女同事同我身形相差好多，又高又肥，塊面又多暗瘡，咁只會影衰自己。」ihih的感情煩惱在香港討論區上引起熱烈討論，網民豆芽菜說：「醜係無罪㗎！你鍾意人咪同佢示愛囉。」ihih思前想後下決定，「咁我試試約佢一齊食lunch啦！」