已故藝人梅艷芳個哥哥梅啓明，早前以私人傳票控告阿梅生前好友劉培基、遺囑見證人劉蔡秀蓮，同阿梅嘅司機兼助手虞天洛，指佢哋偷取阿梅嘅現金、首飾同信件等，總值逾2,100萬。律政司噚日向法庭提出因證據不足，要求撤銷控罪，裁判官接納，三人當庭獲釋，梅啓明毋須負責堂費。劉培基話今次判決公正，至於梅啓明就喺庭外高呼：「我一定繼續告呢班人﹗」佢仲話：「我成功咗！斗零都唔使畀！Thankyou晒！」佢又唔理裁判官建議，堅持喺庭上發言，質疑：「阿梅嘅善心導致佢嘅死！」
案件編號：ESS13730-1,29283/06