「我覺得做ProductDesign嘅，令到人買嘢時除咗滿足一刻嘅購物慾、買到心頭好、要潮又有話題之外，再可以令人Gain到Product設計背後嘅訊息、文化，喺Product上面知道多啲呢個世界發生嘅事的話，咁呢個Product就最成功。我自己嘅設計要做到咁樣，買嘅嘢都鍾意係咁樣，好似近期買咗個MichaelLau嘅Figure，係佢真係做咗一個叫做ProjectAfterDark嘅外星人研究，整一啲有記載過有人親眼見過的外星人Figure，呢啲咪潮得嚟有餡囉！」
記者︰劉昱蘭
攝影︰楊錦文
人形外星人──MichaelLau「3300」
「睇過本書，原來外星人都分動物形、圓球形等，呢個就叫PasagoulaAlien，屬於人形嘅外星人，佢喺美國密西西比，俾兩個船廠工人喺海邊釣魚時發現嘅，身有成10呎闊、8呎高，仲有啲藍光喺身體發出，仲捉咗嗰兩個人去研究，最後搞到其中一個精神有問題㖭。個Figure可以郁到手腳，個頭盔又可以除，幾搞笑。」
幾多錢︰$600-$700
邊度買︰朋友度
觀察生物──半透明養蟻膠箱
「捉隻蟻入去呢個半透明有機啫喱膠箱，已經有齊足夠佢生存嘅條件，可以觀察到佢生活情況，得閒望吓佢搞緊乜都幾得意。可以睇住成件事點樣發生，雖然呢啲嘢一般人好少玩。」
幾多錢︰$70-$80
邊度買︰台灣自然博物館
文化歷史──恐怖組織戰利品
「呢頂帽係巴勒斯坦哈馬斯組織贏咗民選之後出嘅紀念品，幾搞笑吖！恐怖組織玩民主玩選舉中得權掌政，激到美國嗰度死死吓。我自己都玩緊歷史背景嘅設計Project『寧死不屈』，我用啲恐怖組織面紗的典型Pattern設計咗個Wii嘅手掣，香港人唔關心唔知呢啲Pattern係乜會以為係Design，但班老外見到嚇到暈得一陣陣！」
幾多錢︰約$170-$190
邊度買︰網上訂
