林一峰（左二）同組合野仔噚日接受商台訪問，林一峰話將會做投資者為野仔同農夫搞音樂會，佢話：「大約投資6位數字，唔需要好有錢，有膽就得。音樂會嘅內容我唔會插手，我唔擔心票房，只係會監場唔好超時，因為會罰錢。」林一峰又要求野仔為佢間公司改中文名，少爺占（右二）就搞笑話用「基地」，即時俾林一峰怒睥。