香港國際電影展喺呢個月20號舉行，日本女星廣末涼子同阿部寬會齊齊嚟香港宣傳佢哋有份參展嘅電影《超時空泡泡女》。至於啱啱喺柏林影展勇奪金熊獎嘅內地電影《圖雅的婚事》將安排喺影展度作亞洲首映，導演王全安同女主角餘男會嚟港，出席30號喺文化中心舉行嘅首映禮，仲會同觀眾分享拍戲經歷。