很多人都愛以貌取人，靚仔靚女有時真的很着數，網友TOM_TAKE_COM稱日前吃中午飯時，同枱食客忽然咳嗽，把口水噴在她的碟頭飯上，午飯無端端被人「加料」，她即時食慾全無，「飽晒」，更令她難以接受的是，她告訴朋友這件事，朋友竟然不以為忤，還反問她，「係唔係靚仔先？」
原來她的朋友認為如果噴口水的是靚仔一名就無所謂，「我以為佢玩嘢，叫佢認真講，佢竟然真係都答『靚仔就OK』。」TOM_TAKE_COM稱當堂無言以對，「真係難以想像，俾佢激死。」
豆豆說她的朋友可能是獨身，所以對男性容忍度較高，「你位同事係咪好需要男人呀？」有網民稱如果是靚仔仲衰「虛有其表，幾靚仔都扣晒分啦，好核突呀。」阿Pig稱最憎人恃靚行兇，「靚仔就大晒呀！」