容祖兒、衞詩、EO2、關楚耀和泳兒等昨日在九龍灣出席「饑饉三十2007」記者會，祖兒將於下周一（5日）出發到非洲探訪當地兒童，眾歌手帶備不同禮物讓祖兒代為轉送給小朋友，泳兒送上朱古力糖，被祖兒取笑帶到當地後會變成朱古力漿。
送即影即有相
祖兒表示母親已開始為她執拾行李，她說：「我諗住同每個小朋友影一張即影即有相，送畀佢哋，本來想整雪條畀佢哋食，當地咁熱，佢哋都可能未食過雪條，不過應該冇乜可能。」對於孫燕姿到埃及拍MV被人勒索，問她會否害怕？祖兒說：「我哋今次做慈善，當地應該好支持，唔驚，不過我都唔會帶貴重嘢去，信用卡當地都應該用唔到。」
採訪：胡比 攝影：仇志德