近年起落甚大嘅列斯聯，𠵱家喺英冠榜尾掙扎，再唔爭氣啲，來季真係要喺英甲至見到佢哋。嚟到呢個季尾絕境，今輪有主場之利，迎戰嘅只係錫周三，睇列斯聯近期主場表現，總算有1勝1和支持，是役有得博下小勝波膽，可吼列斯聯贏1:0。
森林主場和波格
英甲前列分子諾定咸森林，季中開始跌watt，𠵱家仲有個第3位坐緊，都係多得其他球隊唔爭氣。森林今輪主場出擊，迎戰對手係中游嘅哈特斯菲爾德，咪以為主W易食，睇森林近期都幾常出現和局，而且入球及失球兩項數字都偏低，呢場除博「細」好路，波膽亦可吼0:0。
法甲摩納哥漸見起色，射手比基安尼近期有料到，球隊近5場主場聯賽亦錄得3勝1和1負，今周迎戰對手係實力不俗嘅波爾多，直令摩納哥個W都算有啲分頭。波爾多最近兩場作客聯賽俱敗，仲要係輸畀特魯瓦及尼斯呢類實力平平分子，相信今日去到摩納哥地頭，都難有好日子過。一於捧比基安尼及真高拿等摩納哥前鋒繼續發威，敲主隊勝2:0波膽。
文：華度