李亞鵬喺大年初二時拍攝電影《我們倆的婚姻》，佢經理人馬葭都有探班，馬葭仲喺自己個blog度大爆李亞鵬喺拍攝現場逢人就問「孩子是先叫媽媽還是爸爸？」據中國新聞網轉載報道，李亞鵬不斷喺片場問呢個問題，俾馬葭話佢呷醋，李亞鵬急忙解釋：「王菲說孩子先叫誰，誰就是勞碌命。」佢又話：「我寧願是我操心。」果然為愛妻王菲着想喎。