佛羅倫斯市中心，除噚日介紹過嘅迷你巴士外，仲有一啲大巴士，雖然市中心細小，但住宅區離市中心較遠，大巴士主要方便當地人到市區返工或火車站搭火車。
巴士車票也是在貼有「TICKET」的雜貨店或報紙檔有售，票的前面及背面近邊緣位置會印有1至4的數字，每次上車後先找部「打票機」；每部巴士都有兩部打票機分別安裝在司機位後及車尾，只要將票上未打過的數字放進打票機內等一陣，聽到票機「答」一聲便可。司機叔叔唔會理會你有無打票，但巴士內隨時有便衣站長突擊查票，咪諗住自助式打票可以偷雞，我就見過一對小情侶被發現無買票上車，除即場被趕落車外，仲要畀車長抄下個人資料，遲啲就會收到罰款單，真無謂！
同行好友告知，當下車後70分鐘內都可再任坐，還可乘坐不同號碼的巴士四圍去，但過時便要重新打票，所以票價較高仍是值得的。
文、攝：TigerL