前日公布的預算案中，落實對環保車實施稅務寬減，由4月1日起，符合有關條例嘅新登記車輛，將獲30%首次登記稅寬減，上限為5萬元。
喺規定入面，有關車輛所排放嘅碳氫化合物及氮氧化物，不可超過歐盟IV期或05年日本廢氣排放標準上限嘅50%，而以每公升燃料行走里數計算嘅燃料效率，亦要較相同重量類別私家車，平均燃料效率高至少40%。故此，不少人也認為只有採用混能系統嘅車款先達到要求，但原來不少單以汽油作燃料嘅車款（如HondaJazz、Mazda8等），廠方已為新車配用廢氣排放量更低嘅引擎，並通過環保署嘅型號審批，所以可享受稅務寬減。
有一點要提大家，若你係經水貨車行或自行將車引入的話，有關車輛必須接受型號審批，才會獲發「環保私家車證明書」來享用稅務寬減，縱使代理有引入相同車款，也要進行有關手續。
記者：鄭達基