踏入豬年，娛樂圈喜訊頻傳，1987年香港小姐冠軍楊寶玲（Pauline）昨日接受商台電話訪問，承認懷有三個月身孕，預產期於9月初，準媽媽心情愉快，現年40歲的她大談懷孕後的感受，並表示應該會在美國待產。
前港姐冠軍楊寶玲於94年曾跟陳容森在澳洲秘密結婚，其後兩人於97年離婚。經歷過一次婚姻失敗，現年40歲的Pauline在2002年5月再婚，跟任職拉斯維加斯凱撒皇宮賭場市場部亞洲區副總裁的美籍華人NelsonWong在當地舉行婚禮，婚後定居美國，過着幸福少奶奶的生活。
「兩個鐘就要食」
剛踏入豬年，Pauline即公布有喜消息，身在拉斯維加斯的她昨日打長途電話到商台節目，自爆已經懷孕三個月，預產期在今年9月初。即將成為媽媽的Pauline中氣十足，提到懷孕情況，Pauline說：「都算OK，睇朋友嘅經驗係好辛苦，但我就冇嘔，只係有時暈暈哋，𠵱家肥咗10磅，因為媽咪喺度整好多嘢食補身，唔同我以前，𠵱家就兩個鐘頭就要食，控制唔到，一肚餓就唔舒服要食嘢。」
問Pauline希望生豬仔定豬女，她說：「我同先生都冇乜所謂，所以我哋未買BB嘢，等知係仔定女先買，總之𠵱家成屋都係育嬰書，又會聽莫札特嘅音樂，遲少少我就會講故事畀佢聽，自己都盡量動吓腦筋，等BB發展好啲。工作方面就暫時停止，等同事睇住。」
老公禁穿高踭鞋
Pauline透露母親現時會港美兩邊飛，方便照顧她，當家人得知她懷孕時均十分開心，老公當然特別緊張，就連見到她穿上兩吋高踭鞋也叮囑她要改穿平底鞋，Pauline即時買了一批平底鞋。
現時Pauline未決定採用自然分娩還是開刀方式生仔，她說：「我諗應該喺美國生，雖然香港有5萬蚊回贈，但係唔係好吸引我，不過美國醫生10個有8個都會叫你用自然分娩，但係我自己又驚，所以仲未決定。」
撰文：駱華齡
