中國人有句說話：「教識徒弟無師傅。」所以好多大師傅都會收埋一份秘笈，唔到死嗰日都唔會傳授畀徒弟。外國的師傅就唔同，唔係話外國的月亮特別圓，不過大師傅就夠膽傾囊相授，而且仲期望徒弟青出於藍。其中米芝蓮大廚EnzioSantin就將畢生所學傳授予Toscana大廚Bombana（岑柏濤），今個星期仲會兩師徒合力煮一番，齊齊實踐佢哋嘅煮食格言—「尊重材料，認真煮一餐！」
記者：梁學文
攝影：陳陶鈞
27年來不斷進步
27年前Toscana大廚Bombana，在意大利的LiAnticaOsteriadelPonte向EnzioSantin學藝。事隔27年，除了身形三級跳之外，Bombana的廚藝亦來個大躍進，師傅Santin話：「20幾年喇，佢嘅廚藝不斷進步。佢完全繼承到我嘅技巧，而且仲加入好多新元素，創造出自己嘅Style。不過其實最重要係佢對煮食嘅心不變，仲係好熱情。」師傅說的一點也沒錯，Bombana對煮食認真一絲不苟，好似佢每煮完一道菜，都會慢慢上碟，務求盡善盡美。
師傅大讚認真
兩師徒一見面，就立即去廚房，師傅經已急不及待試試徒弟的手勢。身為大廚，Bombana雖然在師傅面前有些少緊張，不過絕對無失禮，他說：「我16歲就跟師傅學藝，到依家都成廿幾年。師傅喺度就梗係緊張啲，不過記得師傅話只要尊重材料，認真煮一餐，就一定唔會失禮。」師傅話Bombana做事好認真，話好記得Bombana10幾歲學廚的時候曾經有一件事：「有一次咁啱有條魚缺貨，但係好多客人都想點，佢就知道條魚無貨，但係又唔敢同佢講，淨係喺個廚房度行來行去，想出聲又唔敢，結果都有講畀我知，我話佢知唔使擔心，叫佢用其他魚代替，佢先安心啲。睇得出佢咁緊張，一來係怕俾客人話；二來係佢對煮食好認真。」
Santin小檔案
米芝蓮大廚EnzioSantin最初因興趣而開始烹調意菜，最厲害就是根據食物材料的質素和新鮮程度，而運用合時宜的煮食方法烹調。70年代期間，他放棄了自己在意大利開辦的特色咖啡酒及食物店，收購了AnticaOsteriadelPonte餐廳，開始為家庭黃昏聚餐提供一些傳統的菜式，漸漸打響名堂。在80年代開始獲得國內及國際的最高美食榮譽，包括著名的米芝蓮之精選（StarsofMichelinGuide）。於1995年，Santin由意大利總統頒贈CavalieredellOrdineAlMertiodellaRepublicaItaliana。而AnticaOsteriadelPonte餐廳亦於1996年被列入世界100間餐廳之名單。
BigScampiPanRoastedwithPorciniPowder$420
用Porcini皇室蘑菇煮蝦，未上枱鮮蝦的味道經已好香，還夾雜着陣陣的燒烤味。一上枱，嘩！不得了，整間房都充斥着蝦的鮮味，不用放入口都已感受到蝦的新鮮。最窩心的是師傅在蝦頭位置輕輕的切一刀，令蝦肉更容易齒開。
A.OrganicEggYolkCookinExtraVirginOliveOil$380
黑松露夠矜貴，味道又夠清新，配合雅枝竹的果仁清香味道，帶些少苦味，不過就好甘香。個Cream夠稠身，入口口感夠厚，但厚而不膩。OliveOil好香醇，令蛋黃更香滑。這道菜更加是師傅今年最新的創作，是必試之選。
B.LasagnettewithBabyOnionandBlackTruffle$360
BabyOnion切成一條條幼絲，爽口又夠香甜，中間還夾雜着黑松露碎，味道加倍清香。簡單的千層麵，配以矜貴的黑松露，味道就變得不平凡。
C.CreamyRisottowithBlackTruffleSoup$380
叫得做CreamyRisotto，入口真的夠Creamy，而且好滑，味道又夠濃。最重要是芝士味和黑松露味道互相配合，兼且取得平衡，黑松露的清香味沒有被芝士的濃香味掩蓋。
D.GreenAppleCrumblewithVanillaIcecream$140
師傅先將蘋果用牛油炒香，然後加入糖再炒至變金黃色，最後就加入牛油粒，放在SableBreton脆餅上入爐再焗。AppleCrumble入口好重牛油味，咬落又香脆。
Toscana（25322062）
地址：中環干諾道中3號麗嘉酒店1樓
營業時間：12nn-3pm（星期日除外）、6pm-11pm
座位：70個
註：Santin將由即日至3月4日，在Toscana作GuestChef（客串做大廚），跟徒弟齊齊煮美食，想感受兩師徒的真功夫，就要早點訂位。
