憑《無間道》揚威奧斯卡的劉偉強，近作《傷城》也被美國華納電影公司買入版權，改編成荷李活版，昨日他接受商台電話訪問，提到女主角的人選，他認為應全用洋人，故不贊成由章子怡擔任。談到電影的分紅，劉偉強說：「有啲啦！林生（林建岳）好識做，拍咁多年戲，《無間道》先開始有分紅，係世界性嘅。」
繼續合作
另一方面，有報道指劉偉強跟麥兆輝不和，他在電話中回應說：「我同麥兆輝冇不和，今年依然會有合作計劃，我唔明點解雜誌咁寫，拍戲時，我承認同佢會有意見分歧，但唔會傷和氣。」
此外，昨日內地有消息指香港寰亞電影公司發律師信告美國奧斯卡大會，因為當日奧斯卡頒獎禮上介紹最佳改編劇本時，將《無間道》誤說成日本電影，昨日寰亞電影公司發言人表示：「我哋係有發電郵畀大會，解釋我哋係香港電影，但唔係發律師信咁嚴重。」
採訪：林妃