方力申前晚在金鐘為大家樂拍攝新廣告，適逢當日是其27歲牛一，廣告商特地送上蛋糕為他慶祝，女主角Janice則送爆谷味的沖涼液，認真體貼。
加薪續約
問到緋聞女友鍾欣桐及鄧麗欣有否傳短訊祝賀？方力申說：「好多人都有send。」談到有指Stephy的新歌《日久生情》是向其示愛，他只謂：「佢成張碟都好好聽，但呢首我冇feel，因為冇留意歌詞。佢話佢唔會將自己嘅故事寫入歌詞㗎嘛。」他表示自己不會日久生情，但不否認有發展空間。
早前有指方力申被廣告商飛起，如今卻續約拍新廣告，他說：「呢張係新合約，加咗一倍酬勞，有七位數字。」對於拍檔森美被飛，方力申笑言：「佢大把廣告啦，又瘦身又電話！」
採訪、攝影：胡比