周三法國盃8強，「巨人殺手」蒙斯奧以業餘球隊身份，主場硬撼狀態不俗的朗斯，以及索察主鬥巴黎聖日耳門兩仗，同揀入球「細」作2串1過關，絕對有根有據。
蒙斯奧上一圈踢走波爾多，惟至此8強階段，難望再偷雞。朗斯已保持了盃賽聯賽10場不敗，中場卡里爾更表示球隊不會放棄此項盃賽，贏波難度不大。然而，蒙斯奧乃「細膽」球隊，朗斯盃賽亦通常以穩為先，入球「細」好路。
索察「粒聲唔出」升至聯賽第4，但再進一步可能性不大，盃賽應屬球隊交代之作；相反，聖日耳門並未擺脫降班漩渦，前鋒卡勞、謝利美基文特和中堅耶比斯等缺陣，今仗不甚樂觀，雙方今季盃賽常見「細」上「細」落，遂同樣可吼熱爆入球「細」。
索察半場和味濃
此外，朗斯「-1」的「讓球主客和」「客勝」未算穩陣，吼「半場勝」更有利；索察之前近6成賽事半場開和局，聖日耳門更有7成賽事開出「半場和」，整多條2串1啦！文：阿呢斯奧
法盃投注策略
入球大細過關：星期三12蒙斯奧細（2）x星期三23索察細（1.52）2x1
混合過關：星期三12朗斯半場勝（1.6）x星期三23索察半場和（1.9）2x1
法盃金句
朗斯周三食檸「蒙」，半勝加細唔面懵；「巴黎」鐵塔被繩「索」，揀實半場起勢鑿！