由奧斯卡出爐影后海倫美雲（HelenMirren）主演的電影《英女皇》前晚在尖沙嘴舉行首映禮，到場欣賞的嘉賓包括周啓邦夫婦及兒子周國豐、蕭定一和吳文忻等。
十分難忘
周啓邦夫婦每逢出席活動都以襯到絕的造型亮相，前晚二人同以淺藍色服裝到場，周啓邦透露曾與英女皇見面，他說：「當時香港仲係英國殖民地，我哋參加咗個遊園會，Brenda（其妻）特登紮咗個中國娃娃髻同着咗條有中國特色嘅旗袍，吸引到英女皇注意。」周啓邦夫人說：「佢當時仲問我係咪住喺英國，我話嚟自香港，佢表現得好開心。」
此外，王喜也讚海倫美雲得獎實至名歸，他說：「香港人對呢套戲嘅題材有情意結，因為佢以前係香港人嘅事頭婆，所以好期待導演用乜手法去演繹呢個英女皇。」
採訪：楊潔雯
攝影：陳慧安