立立亂嘅蘇超球會赫斯，截至周三帥位依然懸空，情況更見亂上加亂。原因「狂人」班主羅曼路夫個仔，日前大爆老竇「大計」：「下任教練都無可能有100%話事權，5、6成已經頂晒籠！」「狂人」之子仲透露，今季尾約滿嘅球員都唔使諗落場，事關怕呢班友仔夏天轉投些路廸同格拉斯哥流浪，費事球會做咗「無間道」嘅受害者喎！