鄧穎芝年初七人日同裕美喺屯門出席新城「卡拉O!BABE」活動，鄧穎芝話今年四圍去𢭃利是，點知賭錢時輸晒，佢就當破財擋災，希望今年可以豬籠入水，佢會繼續做個跳舞女歌手，仲希望可以拍戲，演吓打女同賽車手嘅角色。講到生日，鄧穎芝話上年生日令佢好難忘，因為家人、舊同學、公司同事同圈內朋友都同佢慶祝，一共慶祝咗四次喎。