佛羅倫斯的街道旁，常常停泊了很多車，當地泊車有個好處，就係唔使畀泊車費，連街邊泊車都唔使入咪錶，所以大多數人都擁有車。既然免費，梗多人爭住泊，若大街泊滿車咁點算好？車身較大嘅就要兜多兩轉搵位泊，不過佛羅倫斯地方唔算大，連帶好多車體積都相對地偏向小型，架車細梗着數，大不了隊入橫街窄巷泊車！筆者行經一些後巷，居然發現一部新款迷你四個轆私家車––VetturaIbrida（Bimodale），屬意大利品牌，只限當地發售，法國及羅馬等歐洲地方都無見過。
VetturaIbrida外形極富時代感，多款顏色任君選擇，此車屬混能驅動（電加電油），引擎容量只有505c.c.＋電的輸出（15+4.5kW），車長2,640mm、闊1,440mm、高1,670mm，兩門雙座位，細細架好鬼Cutie。不過車身太細，筆者見意大利女士個個身材高䠷，坐落去實頂頭頂腳，反而如果香港有得買，肯定好受女士們歡迎。
文、攝：TigerL