周迅：我有位朋友今次幫孫燕芝做髮型，聽到這個消息時我很擔心，只知道暫時現場沒有問題，但不知道他們去了哪裏，再過兩天看看能否聯絡得上。日後我出外工作不會特別擔心，因為擔心也沒用。
黃耀明：咁恐怖？我喺飛機先睇到芭堤雅有遊客俾槍射殺，點解突然間咁恐怖？我有朋友啱啱喺西班牙睇時裝節，架車喺燈位停車突然俾人打爛車窗，搶走手袋、相機，好彩我暫時都未遇過呢啲事。
林嘉欣：我對呢方面好小心，尤其開工，無論外遊或工作，我好少帶現金喺身，信用卡就可以報失，今次件事最緊要係個人冇事。中學時期我曾經學過兩招可以擊退賊人，打對方喉核可以有兩至五秒逃走時間，希望唔會用得着。
郭晉安：去到人生路不熟嘅地方要小心，首先唔好單獨行事，如果一行幾十人都被劫就冇得好講。相信今次係意外，兩年前我計劃過去埃及，仲喺網上查詢咗好多當地華人導遊資料，但最終冇去到。