因斷腳休息咗成兩個幾月嘅NBA球星姚明，早前爆料話估計自己可以喺3月中復出，但睇嚟呢位中國「高人」只係一廂情願；火箭教練雲根廸日前透露，由於姚明戴上特製護墊操練時感覺唔太舒服，復操狀態麻麻，認為佢要推遲復出時間，但就冇講明幾時可以亮相。苦候多時嘅姚明擁躉們，睇怕又要等多陣先有得睇啦！