有浪漫之城見稱的意大利佛羅倫斯，整個城市的地方較細小，主要遊客區只得市中心，若以走馬花燈式遊覽，其實一天內用步行的方法也可以逛完。不過為方便遊客及老人家，當地就有一款迷你巴士在區內行走，當我見到呢款巴士喺街道中穿梭行走，遠望真有種在玩遙控車的感覺，好得意。迷你巴士座位不多，通常上到車都係得番企位，但若閣下生得高，上落車時就要小心，因為實在太細，見啲生得高嘅意大利猛男，每個都要彎得好低才可上、落車，免撞頭嘛！
容易等錯車遊花園
雖然巴士號碼只得A至D單一個英文字母，不難記，但沒有數目字也沒有目的地顯示，望住個英文字母真係唔知佢走邊條線！相反喺羅馬嘅迷你巴士，就好清楚咁列明巴士號碼及地方名稱。在佛羅倫斯搵佢個站都唔難，雖然城市細小，但巴士站極多，亦好清晰註明有咩巴士號碼在此等候，不過唔識路嘅朋友，往往會企錯方向，因為四周樓宇的樣貌也差不多，一個唔該認錯位置，咁就會遊花園囉！價錢有分單次、一星期票及月票，每款收費不同，車票在貼有「TICKET」字樣的雜貨店或報紙檔有售，記住巴士站無票賣㗎！
文、攝：TigerL