我哋幾乎日日摸住嘅鍵盤，可以好平凡，亦都可以好富貴，而微軟推出鍵盤滑鼠組合，相信一早被電腦迷定為富貴一類，而最近新出無線滑鼠鍵盤組合7000，更係開價$1,190，差唔多等於部iPodnano價錢，究竟有幾巴閉？首先差唔多必備人體工學設計，有啲人話真係會舒服啲，不過要等你試過先知喇，反而係另一個零噪音按鍵設計就幾好，夜晚同人玩Chat都唔怕嘈住人！
鍵盤上設計亦有所變動，加入多組專為《Vista》而設快速鍵，配合《Vista》就最為適合，啓動鍵亦由以往置於「Ctrl」與「Alt」之間，改為獨立放置於「Spacebar」之下。有時打打字，要搵番隻滑鼠都幾唔方便，所以鍵盤左上方更備有微型滑鼠面板，即使只拎住鍵盤，一樣可照常操作，透過2.4GHz藍芽及高辨識雷射技術，接收範圍達30呎，一般都應該好夠用。
記者：許福合
查詢：微軟（23889600）