【本報訊】白頭人送黑頭人，經已一把年紀的陳媽媽昨在多名親友的攙扶下，到達女兒被棄屍的下白泥山頭進行路祭，只見現場的沙泥已被女死者伏屍該處20日滲出的屍水染得發黑，並傳出陣陣惡臭，加上現場荒涼的氣氛，令人更加毛骨悚然。
「死得不明不白啊」
女死者陳鳳嫻的母親在拜女兒時悲痛欲絕，一時喃喃自語，一時又痛罵蒼天：「衰天！個女好孝順，買好多嘢返嚟屋企畀老竇老母，佢無偷無搶無害人，點解死得咁慘，塊面爛晒，隻手得番啲骨，差人都唔畀我認佢個樣，死得不明不白啊！」
她一時又語帶雙關的自說自話：「咁辛苦搵錢益晒啲衰人，做人太冇良心冇陰功，你唔聽我講就有今日啦……一定要整死佢個仔搵佢報仇啊！呢個仇一定要報啊！陳世美你害得我個女好慘……我咁辛苦養大個女得到啲乜，得到遺臭萬年囉！」
由於死者母親情緒愈見激動，親友將她攙扶上車休息，一名男親友安慰她說：「我會將佢（女死者）帶返屋企起個墓碑畀佢，會拉到兇手啦！」