袁詠儀（靚靚）去年為張智霖（Chilam）誕下麟兒慕童，現今萬大事以囝囝行先，但一樣有為丈夫掛心的時候。由於她和Chilam生肖均屬豬，今年踏入本命年犯太歲，故兩夫婦前日暫且放下愛兒，齊往上環觀音廟拜太歲，其間靚靚不忘為愛兒着想，燒塔香祈求一家三口身體健康，諸事順利，母性洋溢。
袁詠儀與丈夫張智霖生肖同屬豬，現年36歲，碰巧今年也是豬年，犯本命太歲，故前日兩口子撇甩囝囝慕童，齊往上環觀音廟拜太歲，祈求身體健康、事事順利。
付香油錢AA制
兩夫婦於當日中午12時左右到達觀音廟，不施脂粉的靚靚穿上灰色衞衣，而Chilam就戴上黑色賊仔帽，廟祝還叮囑Chilam拜太歲時謹記要除帽。
入廟後，Chilam讓太太先進行拜太歲儀式，靚靚還不時向廟祝請教拜神程序。雖然已結為夫婦，但兩人仍各自支付所需的香油費，非常君真。約15分鐘後，兩人完成拜太歲儀式，靚靚即謂想燒塔香，祈求家宅平安。廟祝表示所費為388元，靚靚聞言即付款，還問廟祝是否可在塔香上寫上一家三口的名字，廟祝說：「你將你兩個豬頭人嘅名再加『闔家身體健康』就得。」只見靚靚寫完後即心滿意足偕夫離開，而該塔香則待翌日才會掛上。
靚靚接受記者訪問時說：「因為今年我同Chilam都犯太歲，所以嚟拜太歲，祈求身體健康。」為何不帶BB同來？她說：「佢咁細個，梗係唔帶啦。」
望再多減10磅
此外，靚靚昨日到尖沙嘴出席bossini活動，宣傳該品牌全新推出的孕婦及嬰兒服裝系列。向來性格率直的靚靚，在活動上竟公然倒米，表示懷孕期間只穿鬆身衫，未有穿過孕婦裝，擔任司儀的森美聞言即說：「嗰陣bossini未出大肚婆服裝嘛！」此時靚靚即笑說：「係呀。」
昨日所見，靚靚較上次出席《門徒》首映禮時清減，她表示用了不少方法收身才減了8磅，還說：「我想再瘦多10磅，因為覺得𠵱家似隻豬。」
採訪、攝影：魯萍、駱華齡
