嚴格嚟講，《大偈王251》唔係一本汽車漫畫，雖然讀者每睇完一個故事就會對一部車有好深入嘅了解。說穿了，《大》其實是加入汽車元素嘅《人生交叉點》，人性表達好到肉。
記者：之達
故事係講述汽車修理師傅夢次郎手藝了得，任何殘車爛車只要一經佢手，都可以完全回復本來面貌，不過原來夢次郎唔單只整車技術好，佢亦擁有一顆治療別人心靈創傷的善心。每個攞部車畀佢修理的人，背後都有一個感人故事，也有一個解不開的心結，夢次郎每每將車修好的同時，也能治好車主的心靈創傷。
九成同車無關但好睇
喺《大》呢本漫畫裏面，千祈唔好期望有甚麼精采的片車場面，亦唔好期望有甚麼引人入勝嘅駕駛理論，漫畫內九成劇情基本上同車係無直接關係。雖然係咁，但《大》卻係筆者呢個標準車迷最喜歡的汽車漫畫之一，何解？皆因佢唔係好似其他車書咁，以一大堆規格、測試、生堆硬砌方式介紹一部車，而係令讀者從心去了解一架車的情性與靈魂，以及設計者為車子注下的心思及理念。例如漫畫第21期佢用富士Subaru1000去比喻一個雖其貌不揚，但心地善良、潛質優厚的年輕陶藝家；第22期就用日產SunnyGX-5去比喻一班當年努力工作、對社會作出莫大貢獻的退休人士。這些帶領讀者由心去了解一部車的表達手法，加上精心鋪排的感人情節，就係最吸引筆者的地方。
