楊紫瓊上年俾電影《怒火青春》（LaHaine）法國導演馬素卡索維茲（MathieuKassovitz）邀請，同電影《3X反恐暴族》（XXX）嘅大隻佬雲廸素（VinDiesel）合作拍科幻新片《BabylonA.D.》，呢套戲打算喺出年2月上映。
《BabylonA.D.》改編自98年出版嘅法國科幻小說《BabylonBabies》，楊紫瓊扮演擁有特別基因嘅女人，有秘密組織希望捉佢去做研究，然後創造新嘅救世主。為咗逃避秘密組織，楊紫瓊由俄羅斯逃亡到中國，好彩身邊有軍佬出身嘅雲廸素貼身保護。
布拉格取景
呢部戲會以未來世界嘅俄羅斯同中國做背景，主要喺布拉格取景，另外大隊都會移師到捷克、加拿大同冰島拍攝，劇情就交代雲廸素護送楊紫瓊到中國。大隊近日喺布拉格搭咗一啲廠景，其中有中文「洗手間」嘅簡體字的光管牌，相信係用嚟配合劇情需要。