俗語云齊心事成，若一間公司內鬥，爭拗不斷，最終無辜受害嘅係小股民。寶福集團噚日喺股東特別大會，上演一幕新舊主要股東大鬥法嘅互罵場面，小股民慘俾夾喺中間，有啲甚至「冇眼睇」離場，話冇時間睇兩幫人做「大龍鳳」咁話。
寶福集團現時大股東張仲良與管理層不咬弦並唔係新鮮事，噚日想借小股民之手，將現任管理層拉下馬，不過主席WilliamMontgomerieCourtauld中止會議，話要按程序通知股東，股東文件透露下次會議唔會早過3月22日，搞到張仲良不知幾勞氣。
不過講到慘，莫過於小股民嘅血汗錢回本無期，寶福由舊年6月急插水後停牌至今，無端端做咗陪葬品。
[email protected]