艾舒利楊格喺1月由屈福特加盟阿士東維拉後，本來都踢得好好哋，可惜佢喺上月中維拉作客吞雷丁雙蛋場聯賽，頂失咗兩個好易頂嘅頭槌，成為笑柄之餘，更令領隊奧尼爾「龍顏大怒」。話說維拉過去3周無戰事，奧尼爾拉隊去西班牙集訓期間，特登安排艾舒利楊格進行地獄式特訓，要佢足足3星期狂操頂頭槌，肯定悶爆！