曾Sir雖被稱為萬能博士，但人際關係卻解決不來，個性率直的他，許多時看不過眼便出聲，因而不自覺地開罪他人，如早年拍攝《城市故事》，便與飾演他女兒的劉淑華鬧得頗不愉快。曾Sir說：「嗰陣我日頭教書，夜晚錄影，嗰個劉淑華，晚晚拍拍吓就無端端笑，好似發咗神經咁，搞到停機，我卒之忍唔住發脾氣話：『大佬呀！聽朝我重要返工，畀吓面唔好笑得唔得呀！』」
常借錢給人
曾Sir續說：「拍個個劇都係咁，一行出走廊，大家就好似唔識咁，或者係我人緣麻麻啦！有時去canteen，10次有11次都係曾近榮畀錢，真係冇趣到離譜！有啲演員又會開口問你借錢，有啲借咗唔還，有啲還咗又再借，真係好攞命，我咪同佢哋講：『大佬呀，我都搵食啫，你唔還畀我，我咪免費幫人打工？咁唔得㗎，你再唔還，我唱你㗎……』唉！總之越熟就越棹忌！」