蓋鳴暉（左一）同阮兆輝合演嘅《紫釵記》年初五喺新光戲院開鑼，今年打破傳統大年初一公演嘅慣例，蓋鳴暉解釋近年戲迷放假出外旅行，所以作出改動。公演前，蓋鳴暉抽出三位幸運兒獲得珠寶禮券，點知抽頭獎時佢將１V講成１C，令幸運兒空歡喜一場，蓋鳴暉隨即補送利是，最後珠寶商願意送上禮物，皆大歡喜。