回復單身的朱玲玲心情特別好，積極投入社交圈。昨日朱玲玲以慧妍雅集永遠名譽會長身份，在好友羅康瑞家族旗下的酒店出席活動，她透露來年積極籌備該會的慈善活動。問朱玲玲今年是否想行桃花運，她即說沒有。問到羅康瑞是否其真命天子，她笑說：「今日唔好講呢啲嘢。」
朱玲玲一向低調，自從與霍震霆離婚後恢復自由身，開始積極重投社交圈，頭炮將會出任慧妍雅集永遠名譽會長，積極籌備25周年銀禧慈善活動，昨日更於其緋聞男友羅康瑞家族旗下於旺角的朗豪酒店舉行記者會。
朱玲玲一向低調，問到為何今次如此高調出力支持慧妍，她心情極好地說：「心軟，因為同慧妍有成25年connection，所以重視25周年嘅籌款成績，仲會拎自己嘅攝影作品作慈善拍賣。」記者問羅生會否競投，朱玲玲即笑說：「都唔知你哋講邊個。」記者會獲朗豪酒店贊助，問朱玲玲是否因為其面子，她即解畫：「唔係同我面子有關，係鄭文雅出面搞。」
仔大仔世界
問朱玲玲今年是否想行桃花運，她即很大反應地說：「冇……冇……冇……。」她的兒子都有女朋友，問朱玲玲何時才找個伴，她說：「我都知自己仔大，所以多啲時間做慈善、影吓相同打吓羽毛球。」對於早前與羽毛球教練的緋聞，朱玲玲即主動澄清說：「絕對冇，我要尊重佢，你哋咁樣寫佢，對唔住佢屋企人，佢有老婆有女結咗婚，唔好亂寫。」記者即問到羅康瑞是否其真命天子，朱玲玲笑說：「今日唔好講呢啲嘢，今日講慧妍，多謝關心，希望你哋忍吓。」
問朱玲玲的三名兒子啓剛、啓山及啓人都分別拍拖，早前更被傳媒偷拍她當街對着兒子訓話，她說：「係你哋寫，唔係我嘅說話，其實都唔使問，咁大個，佢哋有佢嘅自由。」兒子有否帶女友見家長？朱玲玲表示會尊重兒子的選擇。此外，對於早前有報道指啓剛的女友郭晶晶於其blog中透露嫁個有錢人，朱玲玲說：「冇睇，唔可以comment。」至於對郭晶晶的印象，她說：「唔答，太多私人嘢。」
採訪：JessicaNgan
攝影：EdwardChou
