周潤發噚日同埋老婆喺赤鱲角機場出現，之後陳秋霞亦搭飛機返大馬休息。發哥夫婦去泰國拍廣告，但係呢輪泰國政局動盪，當地政府已經發出恐怖襲擊警告，日前兩名俄羅斯旅客仲喺芭堤雅被射殺，喺咁嘅情況下，發哥兩公婆咁勇去曼谷拍廣告，馮仁昭都服咗佢。不過發哥同馮仁昭講，出發前已經買重保險，有好多嘢係唔到你驚，預計逗留一個禮拜先返嚟。
陳雅倫有城城陪
另外，陳雅倫前晚喺銅鑼灣出席《怪俠多羅羅》首映，佢透露已接拍彭氏兄弟執導嘅新戲，飾演黑社會大佬女友兼酒廊女歌手，仲會同男主角郭富城有感情線。陳雅倫話下個月中要同城城去泰國拍戲，講到恐怖襲擊，佢話：「唔知呀，城城都去得咯，佢買嘅保險一定重過我啦。」
